Rinne Alcide De Gasperi maoirseacht ar atógáil a thíre tar éis an Dara Cogadh Domhanda agus bhí ról ceannasach aige i lánpháirtíocht na hEorpa tar éis an chogaidh.
Ní le lámh láidir a thógfar an todhchaí, ná le dúil concas a dhéanamh, ach tríd an modh daonlathach a chur i bhfeidhm go foighneach, de mheon cuiditheach an chomhaontaithe agus tríd an tsaoirse a urramú
Saol agus beatha
Ba Phríomhaire na hIodáile é De Gasperi idir 1945 agus 1953, agus le linn na tréimhse sin, rinneadh an daonlathas a dhaingniú san Iodáil agus tugadh aghaidh ar atógáil eacnamaíoch.
Bhí fís níos forleithne ag De Gasperi chomh maith – an comhar idirnáisiúnta a bheith mar bhonn don tsíocháin. Ba é an fear ba chúis leis an Iodáil dul isteach i bPlean Meiriceánach Marshal agus i ECAT. A bhuí lena cheannaireacht, forbraíodh dlúthcheangal idir an Iodáil agus na Stáit Aontaithe, éacht nach beag i bhfianaise go raibh ceann de na páirtithe cumannacha ba mhó in Iarthar na hEorpa san Iodáil ag an am.
Fís don Eoraip
Ó tháinig deireadh leis an gcogadh, bhí De Gasperi gníomhach i mbun feachtais ar son Eoraip Aontaithe i ngeall gur chreid sé gurbh é sin an t-aon bhealach chun coinbhleacht eile a sheachaint. Bhí aisling shoiléir ag De Gasperi a thug spreagadh dó, is é sin aisling d’Eoraip aontaithe nach nglacfadh ionad na stát ach a d'fhágfadh go bhféadfaidís a bheith ag obair as lámh a chéile, dul i gcomhar le chéile agus tacú le cheile.
Sa deireadh thiar, chuidigh obair De Gasperi le bunú an Chomhphobail Eorpaigh do Ghual agus Cruach (CEGC), eagraíocht a rinne deimhin de, go bunúsach, nach raibh sé de chumas náisiúin na hEorpa cogadh a chur ar a chéile.
Alcide De Gasperi ag tabhairt óráide an 12 Eanáir 1951 in Strasbourg
Alcide De Gasperi ag labhairt dó an 12 Eanáir 1951 in Strasbourg
Mura dtógaimid ach comh-riaracháin gan toil pholaitiúil os a gcionn, a rialóidh eagras lárnach ina mbeidh na toileanna náisiúnta ag bualadh lena chéile agus ag imeascadh in ardsintéis, beidh baol ann go mbeidh cuma leamh, gan bhrí, ar an ngíomhaíocht Eorpach seo i gcomparáid le beocht na ngníomhaíochtaí náisiúnta ar leith. D'fhéadfadh cuma na cuinge iomarcaí agus b'fhéidir dochraidí, a theacht orthu uair éigin, fiú, amhail Impireacht Naofa na Róimhe ag tréimhse áirithe a meatha.
Foilseacháin
Tuilleadh eolais faoi shaol agus obair Alcide De Gasperi agus an méid a chuir sé le tionscadal na hEorpa